Sitio Lusong
Sitio Lusong

Sa makausa pa subli na usab nga misaka sa bukirong bahin sa Sitio Lusong, Barangay Puting Bato, Cabadbaran City si Mayor Judy Chin Amante karong buntag, aron personal nga mahinabi ug makita ang mga estudyante, mga ginikanan ug mga magtutudlo sa Lusong Elementary School ug Lusong National High School.

Uban ni Mayor Amante sila Agusan del Norte 2nd District Representative, Cong. Maria Angelica Rosedell Amante Matba ug Governor Dale B. Corvera.

Madasigon ang mayor sa paghatag ug tukmang ayuda sa maong lugar uban ang nagkadaiyang planong pangkalamboan para sa Barangay Puting Bato.

Subay niini mapasalamaton usab ang mga myembro sa konseho sa barangay sa pagpanguna ni Punong Barangay Joel Embalsado ug ang faculty and staff sa maong tulunghaan sa pagbisita sa tulo ka mga haligi sa probinsya ug syudad sa ilang barangay dala ang paglaum, kadasig ug kalamboan.