Street Vendors

Street Vendors
August 29, 2019. Personal nga gibisita ni City Mayor Judy Chin Amante ang mga Street Food Vendors nga naninda mismo sa atubangan sa nasirado nga Rural Bank ug sa mga sikbit nga lugar duol sa Rizal Park ning syudad.

Tumong sa mayor nga makita ang ilang kahimtang ug plano niini nga iplastar ang mga vendors sa insaktong luna aron mahimong hapsay ang ilang pagpaninda ug hapsay sad tan-awon ang mga sidewalks palibot sa Rizal Park.

Sumala pa ni Marites Anino ang presidente sa Street Food Vendors Association nga mokabat sa 25 ka mga vendors ang namaligya sa maong lugar ug daku ang ilang pagpasalamat sa mayor nga gihatagan sila ug igong pagtagad ug makapadayon gihapon sila sa pagpaninda alang sa ilang inadlaw nga panginabuhi.