Convocation
Convocation
 

September 2, 2019. Malampusong gipahigayon karong buntag ang 1st ug regular nga Monday convocation alang sa bulan sa September, tinambungan sa mga empleyado sa Local Government Unit Cabadbaran City uban sa mga city officials sa pagpanguna ni City Mayor Judy Chin Amante.

Human sa convocation mapasigarbuhon usab nga gitaho ni City Sports Coordinator Mr. Fredgie C. Dacera ang naangkon nga kadaugan sa usa ka athleta sa Cabadbaran City nga si JERALD AMPER kon diin nasakmit niini ang titulong Boxing Silver Medalist sa School Boys Division sa bag-ohay pa lang nahuman nga 2019 BATANG PINOY NATIONAL CHAMPIONSHIP niadtong Agosto 30, 2019 sa Puerto Princesa City, Palawan.

Samtang gitawag usab isa-isa ni Human Resource Management Officer Gemma Galon ang mga empleyado ug city officials nga mag celebrate sa ilang birthday karong bulana aron itimbaya sa ilang mga kaubanang empleyado.

Mihatag usab sa iyang mensahe si City Mayor Judy C. Amante aron maghatag ug dugang kadasig sa mga empleyado sa pagkugi sa ilang pagpangalagad sa katawhan sa Cabadbaran.

Nagpahimangno usab ang mayor sa matag empleyado nga sundon ang reglamento sa pagpanirbisyo isip mga public servant.