MOA

September 13, 2019. Gilagdaan na ganinang buntag ang MEMORANDUM OF AGREEMENT (MOA) tali sa Lokal nga Panggamhanan sa Probinsya sa Agusan del Norte nga girepresentahan ni Governor Dale B. Corvera og Lokal nga Panggamhanan sa Syudad sa Cabadbaran nga girepresentahan ni Mayor Judy Chin Amante.

Unod sa maong MOA mao ang paghatag ug hinabang pinansyal sa LGU – Cabadbaran ngadto na sa Cabadbaran District Hospital ( CDH) nga kasamtangang gidumala sa LGU – Agusan del Norte.

Kabahin sa MOA ang mokabat sa 47 milyones ka pesos nga tabang sa LGU Cabadbaran ngadto na sa CDH aron ipalet ug duhang mga gamit pang-medikal, kahimanan sa pagpalapad sa serbisyong gitanyag sa CDH, 24/7 ambulance service, dugang nga health personnel og support staff, ug pagpanindot sa palibot sa maong balay tambalanan.

Alayon niini mapasalamaton si Gov. Corvera ngadto na sa liderato ni Mayor Amante gumikan sa pagtunol ug dakung pondo sa CDH aron mas mapalambo pa ang serbisyo niini sa katawhan.