September 24, 2019. Malampusong gipahigayon karong adlawa ang monthly recognition sa mga naayo na sa sakit nga Tuberculosis ubos sa programang “Find Treat Prevent #EndTBNowNa! nga gipasiugdahan sa City Health Office.

Ubay-ubay nga mga residente ning syudad ang nihatag sa ilang mga testimonya human nila naangkon ang hingpit nga kaayohan sa maong sakit, gumikan usab sa hingpit nga suporta sa gobyerno pinaagi sa paghatag ug libreng tambal ug ayudang pinansyal sulod sa unom o nuebe ka bulan nga medikasyon.

Nahimong emosyonal ang ilang mga testimonya gumikan sa sakripisyo sa mga empleyado sa CHO labi ang mga Barangay Health Workers nga maoy nag kugi sa pagmonitor kanila.

Sa mensahe nga giluwatan ni City Mayor Judy Chin Amante iyang gidasig ang tanang nagmasakiton sa TB nga dili angay nga mahadlok o maulaw sa maong sakit tungod kay andam ang gobyerno sa pagtabang kanila.

End TB Now