Buntis
Buntis Fair

September 25, 2019.
Gipahigayon karong adlawa sa lokal nga panggamhanan sa syudad sa Cabadbaran pinaagi sa City Health Office sa pagpanguna ni Dr. Zaldy Secote ang “Buntis Fair” nga nagdala sa themang “Pagiging Ina Ay Espesyal. Ligtas Na Pagbubuntis At Panganganak Sa Ati’y Nakasalalay”.

Tumong sa maong programa mao ang paghatag ug giya sa mga babayeng nag mabdos aron mamahimong luwas ang ilang pagpanganak.

Mokabat sa 350 ka mga nagsabak gikan na sa 31 ka mga barangays ning syudad ang nisalmot sa maong kalihukan, kon diin ubay-ubay nga mga papremyo ug gasa ang giandam alang kanila.

Samtang mihatag usab sa iyamg mensahe si City Mayor Judy Chin Amante uban ang pagdasig sa mga buros nga mag-amping sa ilang pagsabak hangtud na sa ilang pagpanganak ug mamahimong responsableng ginikanan sa ilang umaabot pa nga mga anak.