Pabirthday ni Lolo ug Lola Pabirthday ni Lolo ug Lola

Kahinangop ug kalipay ang gibati sa mga Senior Citizen sa 31 Barangays nga nag birthday sulod sa 3rd quarter nga gilangkuban sa bulan sa July, August ug September, human subling gibalik sa kasamtangang administrasyon ang programang “Pabirthday Ni Lolo Ug Lola”.

Kahinumduman nga ang maong programa una kini nga gimugna sa kanhing kadumalahan ni kanhi Mayor Dale B. Corvera nga nahimo na nga gobernador karon, apan temporaryo kini nga naundang sa nilabay nga administrasyon nga gisundan sa administrasyon ni City Judy Chin Amante.

Liboan ka mga senior citizens ang nisalmot karong adlawa sa pagbalik sa maong programa kon diin nagkatigum ang mga celebrators sa 3rd quarter ning tuiga sulod sa Cabadbaran City Gym aron dungan nga saulugon ang ilang adlaw nga natawhan.

Nahimong pinasidunggang dinapit si Agusan del Norte Governor Dale B. Corvera ang kanhi mayor ning dakbayan nga maoy nangamahan sa maong programa.

Samtang mihatag usab sa iyang madasigon nga minsahe si City Mayor Judy Chin Amante.

Nadawat sa mga nag birthday nga senior citizen ang birthday cake, pagkaon ug mga goods gikan na sa LGU Cabadbaran.

Pabirthday ni Lolo ug Lola
Pabirthday ni Lolo ug Lola