Toys

Gipangunayan gyud mismo ni City Mayor Judy Chin Amante ang pagpangumpra sa mga dugang dulaan nga ipanghatag sa umaabot nga karong bulan sa Disyembre.

Kabahin na sa tradisyon sa pamilyang Amante nga mohatag gyud og dulaan para sa kabataang nagpanuigon og 4-5 anyos sa panahon sa Pasko.

Isip pamatood sa programang, “Serbisyong Tinuoray, Serbisyong Walay Pili”, gipanghingusgan gyud ni Mayor Judy nga tanan kabataan na makasalmot sa programa mahatagan gyud sa pahalipay. Walay kolor sa politika kundi ang lipayon lang ang mga kabataan ning syudad.

Sa karon nga tuig gikan sa naandang isa ka libo ka bata gihimo kining doble pa sa gidaghanon nga moabot sa sobra dos mil ka mga bata ang gitinguha na makaapil sa maong pahalipay. Dugang niini dili lamang isa kundi sobra sa isa ka dulaan pa ang madawat sa matag bata. Sama sa naandan aduna gihapon ihatag nga grocery packs, t-shirt og Jollibee Kiddie Party.

Tungod niini, ang usa ka adlaw nga kasaulogan mamahimo na nga duha ka adlaw aron gyud makasalmot ang tanang bata nga mapiliang makaapil.