Culmination November 4, 2019. Mokabat sa kapin 3,400 ka mga myembro sa Senior Citizen ning syudad ang nagtagbo karong hapon sa Cabadbaran City Gymnasium aron saulugon sa lokal nga panggamhanan ning syudad ang Senior Citizens Culmination Program nga nagdala sa themang “Healthy And Productive Aging Starts With Me”, kon diin gipasiugdahan kini sa City Social Welfare and Development (DSWD) nga gidumala ni Mrs. Josephine L. Demoral.

Wala magdahom si City Mayor Judy C. Amante nga mamahimong triple ang ihap sa mga senior citizens nga gilaumang motambong, apan bisan pa man sa kagoot sa gym malipayon gihapon sila nga ni partisipar sa maong kalihukan.

Sa mensahe ni Mayor Amante gipasalig niini nga karong tuiga mopalit na ug yuta ang panggamhanan ning syudad aron maoy tukoran sa Cabadbaran City Sports Complex aron mas luag na kini nga venue alang sa mga kalihukan ning syudad labi na sa Senior Citizens nga aduna nay dul-an sa sais mel (6,000) na ka mga myembro, aron makaapil na tanan sa susamang kalihukan.

Gibutyag usab sa mayor nga nag plano ang syudad nga mopalet ug Mini Bus alang sa mga Senior Citizens aron maoy ilang magamit panahon sa ilang mga kalihukan.

Mitambong usab sa maong okasyon si City Vice Mayor Rey G. Jamboy, SP Members ug mga Barangay Officials.

More Pics @ Cabadbaran Today FB Page.