Gibista sa Cabadbaran City Officials sa pagpanguna ni City Mayor Judy C. Amante ug Vice Mayor Rey G. Jamboy uban ang mga City Councilors ang House of Representatives, May 16, 2023. Unang gibisita sa grupo ang opisina ni Agusan del Norte 2nd Distrcit Congressman Dale B. Corvera, dayon ang Session Hall sa kongreso, aron mahimamat personal ang pipila ka mga Congressmen. Tumong sa pagbisita nila ni Mayor Amante sa kongreso mao ang paghangyo kang Congressman Corvera nga magduso ug House Bill aron himoong Cabadbaran City Medical Center ang kasamtangang Cabadbaran City District Hospital, aron mas mapalapdan pa ang serbisyo niini nga mamahimong dumalahon na unya sa National Government pinaagi sa Department of Health (DOH). Malaumon si Mayor Amante ug ang mga magbabalaud sa syudad ug probinsya nga mamahimong positibo ang ilang sugyot alang sa kaayohan sa katawhang Cabadbaranon.